Dukh ke jangal mein phirte hain kab se maare maare log,
Jo hota hai sah lete hain kaise hain bechaare log...
Jiwan jiwan hum ne jag mein khel yahi hote dekha,
Dheere dheere jeeti duniya dheere dheere haare log...
Waqt singhasan par baitha hai apne raag sunata hai,
Sangat dene ko paate hain saanson ke iktaare log,
Neki ek din kaam aati hai hum ko kya samjhate ho,
Hum ne be-bas marte dekhe kaise pyare pyare log...
Is nagri mein kyun milti hai roti sapnon ke badle,
Jin ki nagri hai wo jaanein hum thehre banjare log.!!
"Jawed Akhtar"
No comments:
Post a Comment