Dil mein mahak rahe hain kisi aarzu ke phool,
Palkon pe khilne waale hain shayad lahu ke phool...
Ab tak hai koi baat mujhe yaad harf harf,
Ab tak main chun raha hun kisi guftugu ke phool...
Kaliyan chatak rahi thin ke aawaz thi koi,
Ab tak sama'aton mein hain ek khush-gulu ke phool...
Mere lahu ka rang hai har nok-e-khaar par,
Sahra mein har taraf hain meri justuju ke phool...
Deewane kal jo log the phoolon ke ishq mein,
Ab un ke daamanon mein bhare hain rafu ke phool.!!
"Jawed Akhtar"
No comments:
Post a Comment