Dua karo ke koi pyas nazr-e-jaam na ho,
Wo zindagi hi nahin hai jo na-tamaam na ho...
Jo mujh mein tujh mein chala aa raha hai sadiyon se,
Kahin hayat usi faasle ka naam na ho...
Koi charagh na aansu na aarzu-e-sahar,
Khuda kare ke kisi ghar mein aisi shaam na ho...
Ajeeb shart lagaai hai ahtiyaaton ne,
Ke tera zikr karun aur tera naam na ho...
Saba-mizaaj ki tezi bhi ek nemat hai,
Agar charagh bujhana hi ek kaam na ho...
'Waseem' kitni hi subahein lahu lahu guzrin,
Ek aisi subah bhi aaye ke jis ki shaam na ho.!!
"Waseem Barelwi"
No comments:
Post a Comment