Der lagi aane mein tum ko shukr hai phir bhi aaye to..
Aas ne dil ka saath na chhoda waise hum ghabraye to.!
Shafaq, dhanak, mahtab, ghatayein, taare, naghme, bijli, phool..
Is daaman mein kya kya kuchh hai daaman haath mein aaye to.!
Chahat ke badle mein hum to bech dein apni marzi tak..
Koi mile to dil ka gaahak koi humein apnaye to.!
Kyun ye mehr-angez tabassum madd-e-nazar jab kuchh bhi nahin..
Haye koi anjaan agar is dhokhe mein aa jaaye to.!
Suni-sunaai baat nahin ye apne upar beeti hai..
Phool nikalte hain sholon se chahat aag lagaye to.!
Jhooth hai sab tareekh hamesha apne ko dohraati hai..
Achchha mera khwab-e-jawani thoda sa dohraye to.!
Nadaani aur majboori mein yaaro kuchh to farq karo..
Ek be-bas insaan kare kya, toot ke dil aa jaaye to.!!
"Andaleeb Shadani"
_________________________
دیر لگی آنے میں تم کو شکر ہے پھر بھی آئے تو
آس نے دل کا ساتھ نہ چھوڑا ویسے ہم گھبرائے تو
شفق دھنک مہتاب گھٹائیں تارے نغمے بجلی پھول
اس دامن میں کیا کیا کچھ ہے دامن ہاتھ میں آئے تو
چاہت کے بدلے میں ہم تو بیچ دیں اپنی مرضی تک
کوئی ملے تو دل کا گاہک کوئی ہمیں اپنائے تو
کیوں یہ مہرانگیز تبسم مد نظر جب کچھ بھی نہیں
ہائے کوئی انجان اگر اس دھوکے میں آ جائے تو
سنی سنائی بات نہیں یہ اپنے اوپر بیتی ہے
پھول نکلتے ہیں شعلوں سے چاہت آگ لگائے تو
جھوٹ ہے سب تاریخ ہمیشہ اپنے کو دہراتی ہے
اچھا میرا خواب جوانی تھوڑا سا دہرائے تو
نادانی اور مجبوری میں یارو کچھ تو فرق کرو
اک بے بس انسان کرے کیا ٹوٹ کے دل آ جائے تو..
No comments:
Post a Comment