Band aankhon se wo manzar dekhun..
Reg-e-sahra ko samandar dekhun.!
Kya guzarti hai mere baad us par..
Aaj main us se bichhad kar dekhun.!
Shahr ka shahr hua patthar ka..
Main ne chaha tha ke mud kar dekhun.!
Khauf tanhaai ghutan sannaata..
Kya nahin mujh mein jo baahar dekhun.!
Hai har ek shakhs ka dil patthar ka..
Main jidhar jaaun ye patthar dekhun.!
Kuchh to andaaza-e-tufaan ho 'Ameer'..
Naaw kaaghaz ki chala kar dekhun.!!
"Ameer Qazalbash"
No comments:
Post a Comment