An-kahi

Tujh ko maloom nahin tujh ko bhala kya maloom...

Tere chehre ke ye saada se achhoote se nuqoosh,
Meri takh'eel ko kya rang ata karte hain,

Teri zulfein teri aankhein tere aariz tere honth, 
Kaisi an-jaani si masoom khata karte hain,

Tere qaamat ka lachakta hua maghroor tanaaw,
Jaise phoolon se ladi shaakh hawa mein lahraye,

Wo chhalakte hue saaghar si jawani wo badan,
Jaise shoala sa nigaahon mein lapak kar rah jaaye,

Khalwat-e-bazm ho ya jalwat-e-tanhaai ho,
Tera paikar meri nazron mein ubhar aata hai,

Koi saa'at ho koi fikr ho koi maahaul,

Koi saa'at ho koi fikr ho koi maahaul,
Mujh ko har samt tera husn nazar aata hai,

Chalte chalte jo qadam aap thithak jaate hain,
Sochta hun ke kahin tu ne pukara to nahin,

Gum si ho jaati hain nazrein to khyaal aata hai,
Is mein pinhaa'n teri aankhon ka ishaara to nahin,

Dhoop mein saaya bhi hota hai gurezaa'n jis dam,
Teri zulfein mere shaanon pe bikhar jaati hain,

Jhuk ke jab sar kisi patthar pe tika deta hun,
Teri baahein meri gardan mein utar aati hain,

Aankh lagti hai to dil ko ye gumaan hota hai,
Sar-e-baali'n koi baitha hai bade pyar ke saath,

Mere bikhre hue uljhe hue baalon mein koi,
Ungliyan pherta jaata hai bade pyar ke saath,

Jaane kyun tujh se dil-e-zaar ko itni hai lagan,
Kaisi kaisi na tamannaon ki tamheed hai tu,

Din mein tu ek shab-e-mahtab hai meri khaatir,
Sard raaton mein mere waaste khursheed hai tu,

Apni deewangi-e-shauq pe hansta bhi hun main,
Aur phir apne khyalaat mein kho jaata hun,

Tujh ko apnaane ki himmat hai na kho dene ka zarf,
Kabhi hanste kabhi rote hue so jaata hun main,

Kis ko maloom mere khwaabon ki tabeer hai kya,
Kaun jaane ke mere ghum ki haqeeqat kya hai,

Main samajh bhi lun agar is ko mohabbat ka junoon
Tujh ko is ishq-e-junoon-khez se nisbat kya hai,

Tujh ko maloom nahin tujh ko na hoga maloom,

Tere chehre ke ye saada se achhoote se nuqoosh,
Meri takh'eel ko kya rang ata karte hain,

Teri zulfein teri aankhein tere aariz tere honth,
Kaisi an-jaani si masoom khata karte hain.!!

"Himayat Ali Shayer"
_________________________

تجھ کو معلوم نہیں تجھ کو بھلا کیا معلوم

تیرے چہرے کے یہ سادہ سے اچھوتے سے نقوش
میری تخئیل کو کیا رنگ عطا کرتے ہیں

تیری زلفیں تری آنکھیں ترے عارض ترے ہونٹ
کیسی ان جانی سی معصوم خطا کرتے ہیں

تیرے قامت کا لچکتا ہوا مغرور تناؤ
جیسے پھولوں سے لدی شاخ ہوا میں لہرائے

وہ چھلکتے ہوئے ساغر سی جوانی وہ بدن
جیسے شعلہ سا نگاہوں میں لپک کر رہ جائے

خلوت بزم ہو یا جلوت تنہائی ہو
تیرا پیکر مری نظروں میں ابھر آتا ہے

کوئی ساعت ہو کوئی فکر ہو کوئی ماحول

کوئی ساعت ہو کوئی فکر ہو کوئی ماحول
مجھ کو ہر سمت ترا حسن نظر آتا ہے

چلتے چلتے جو قدم آپ ٹھٹھک جاتے ہیں
سوچتا ہوں کہ کہیں تو نے پکارا تو نہیں

گم سی ہو جاتی ہیں نظریں تو خیال آتا ہے
اس میں پنہاں تری آنکھوں کا اشارہ تو نہیں

دھوپ میں سایہ بھی ہوتا ہے گریزاں جس دم
تیری زلفیں مرے شانوں پہ بکھر جاتی ہیں

جھک کے جب سر کسی پتھر پہ ٹکا دیتا ہوں
تیری باہیں مری گردن میں اتر آتی ہیں

آنکھ لگتی ہے تو دل کو یہ گماں ہوتا ہے
سر بالیں کوئی بیٹھا ہے بڑے پیار کے ساتھ

میرے بکھرے ہوئے الجھے ہوئے بالوں میں کوئی
انگلیاں پھیرتا جاتا ہے بڑے پیار کے ساتھ

جانے کیوں تجھ سے دل زار کو اتنی ہے لگن
کیسی کیسی نہ تمناؤں کی تمہید ہے تو

دن میں تو اک شب مہتاب ہے میری خاطر
سرد راتوں میں مرے واسطے خورشید ہے تو

اپنی دیوانگئ شوق پہ ہنستا بھی ہوں میں
اور پھر اپنے خیالات میں کھو جاتا ہوں

تجھ کو اپنانے کی ہمت ہے نہ کھو دینے کا ظرف
کبھی ہنستے کبھی روتے ہوئے سو جاتا ہوں میں

کس کو معلوم مرے خوابوں کی تعبیر ہے کیا
کون جانے کہ مرے غم کی حقیقت کیا ہے

میں سمجھ بھی لوں اگر اس کو محبت کا جنوں
تجھ کو اس عشق جنوں خیز سے نسبت کیا ہے

تجھ کو معلوم نہیں تجھ کو نہ ہوگا معلوم

تیرے چہرے کے یہ سادہ سے اچھوتے سے نقوش
میری تخئیل کو کیا رنگ عطا کرتے ہیں

تیری زلفیں تیری آنکھیں ترے عارض ترے ہونٹ
کیسی ان جانی سی معصوم خطا کرتے ہیں