Aankhein khuli hui hain to manzar bhi aayega,
Kaandhon pe tere sar hai to patthar bhi aayega...
Har shaam ek mas'ala ghar bhar ke waaste,
Bachcha ba-zid hai chaand ko chhu kar bhi aayega...
Ek din sununga apni sama'at pe aahatein,
Chupke se mere dil mein koi darr bhi aayega...
Tahreer kar raha hai abhi haal-e-tishnagaa'n,
Phir is ke baad wo sar-e-mimbar bhi aayega...
Haathon mein mere parcham-e-aaghaaz-e-kaar-e-khair,
Meri hatheliyon pe mera sar bhi aayega...
Main kab se muntazir hun sar-e-rahguzar-e-shab,
Jaise ke koi noor ka paikar bhi aayega.!!
"Ameer Qazalbash"
No comments:
Post a Comment