Sunday, June 17, 2018

Ye Bhi Nahin Beemar Na The

Ye bhi nahin beemar na the,
Itne junoon-aasaar na the..

Logo'n ka kya zikr karein,
Hum bhi kam ayyaar na the..

Ghar mein aur bahut kuchh tha,
Sirf dar-o-deewar na the..

Teri khabar mil jaati thi,
Shahr mein jab akhbaar na the..

Pahle bhi sab bikta tha,
Khwabo'n ke bazaar na the..

Sab par hansna shewa tha,
Jab tak khud us paar na the..

Maut ki baatein pyaari thin,
Marne ko tayyaar na the.!!

"Aashufta Changezi"
__________

Junoon-aasaar = signs of frenzy,
Ayyaar = Artful, Cunning, Crafty, Imposter,
Shewa = manner, habit, way method,

No comments:

Post a Comment

Ranj O Alam Ke Dhhol Baja Kar

Ranj-o-alam Ke Dhhol Baja Kar, Chahat Ka Kashkol Uthha Kar,  Dar Dar Phirna Theek Nahin Hai  Suno Mohabbat Bheekh Nahin Hai.! रन्ज-ओ-अलम के ...