Ye Baatein Jhoothi Baatein Hain

Ye baatein jhoothi baatein hain ye logon ne phailaai hain..

Tum 'Insha' ji ka naam na lo kya 'Insha' ji saudaai hain.!

Hain laakhon rog zamane mein kyun ishq hai ruswa bechaara,
Hain aur bhi wajhein wahshat ki insaan ko rakhtin dukhiyara..

Haan bekal bekal rahta hai ho peet mein jis ne ji haara,
Par shaam se le kar subah talak yoon kaun phirega aawara..

Ye baatein jhoothi baatein ye logon ne phailaai hain..

Tum 'Insha' ji ka naam na lo kya 'Insha' ji saudaai hain.!

Ye baat ajeeb sunate ho wo duniya se be-aas hue,
Ek naam suna aur ghash khaya ek zikr pe aap udaas hue..

Wo ilm mein aflatoon sune wo sheyr mein tulsi-daas hue,
Wo tees baras ke hote hain wo B.A M.A paas hue..

Ye baatein jhoothi baatein hain ye logon ne phailaai hain..

Tum 'Insha' ji ka naam na lo kya 'Insha' ji saudaai hain.!

Gar ishq kiya hai tab kya hai kyun shad nahin aabaad nahin

jo jaan liye bin Tal na sake ye aisi bhi uftad nahin

ye baat to tum bhi manoge wo 'qais' nahin farhad nahin

kya hijr ka daru mushkil hai kya wasl ke nusKHe yaad nahin

ye baaten jhuTi baaten hain ye logon ne phailai hain

tum 'insha'-ji ka nam na lo kya 'insha'-ji saudai hain

wo laDki achchhi laDki hai tum nam na lo hum jaan gae

wo jis ke lambe gesu hain pahchan gae pahchan gae

han sath hamare 'insha' bhi is ghar mein the mehman gae

par us se to kuchh baat na ki anjaan rahe anjaan gae

ye baaten jhuTi baaten hain ye logon ne phailai hain

tum 'insha'-ji ka nam na lo kya 'insha'-ji saudai hain

jo hum se kaho hum karte hain kya 'insha' ko samjhana hai

us laDki se bhi kah lenge go ab kuchh aur zamana hai

ya chhoDen ya takmil karen ye ishq hai ya afsana hai

ye kaisa gorakh-dhanda hai ye kaisa tana-bana hai

ye baaten kaisi baaten hain jo logon ne phailai hain

tum 'insha'-ji ka nam na lo kya 'insha'-ji saudai hain