Wo jo tha wo kabhi mila hi nahin,
So garebaan kabhi sila hi nahin..
Ys se har dam muaamla hai magar,
Darmiyan koi silsila hi nahin..
Be-mile hi bichhad gaye hum to,
Sau gile hain koi gila hi nahin..
Chashm-e-maigun se hai mughaa'n ne kaha,
Mast kar de magar pila hi nahin..
Tu jo hai jaan tu jo hai jaanaa,
Tu humein aaj tak mila hi nahin..
Mast hun main mahak se us gul ki,
Jo kisi baagh mein khila hi nahin..
Haye 'Jaun' us ka wo pyala-e-naaf,
Jaam aisa koi mila hi nahin..
Tu hai ek umr se fughaa'n-pesha,
Abhi seena tera chhila hi nahin.!!
"Jaun Eliya"
No comments:
Post a Comment