Wahi haalaat hain faqeeron ke,
Din phire hain faqat wazeeron ke..
Apna halqa hai halqa-e-zanjeer,
Aur halqe hain sab ameeron ke..
Har bilawal hai des ka maqrooz,
Paanw nange hain benazeeron ke..
Wahi ahl-e-wafa ki surat-e-haal,
Waare nyaare hain be-zameeron ke..
Saazishein hain wahi khilaaf-e-awaam,
Mashware hain wahi musheeron ke..
Bediyaan samraaj ki hain wahi,
Wahi din-raat hain aseeron ke.!!
"Habeeb Jalib"
No comments:
Post a Comment