Tujh mein pada hua hun harkat nahin hai mujh mein,
Haalat na puchhiyo tu haalat nahin hai mujh mein..
Ab to nazar mein aa ja baanhon ke ghar mein aa ja,
Ai jaan teri koi surat nahin hai mujh mein..
Ai rang rang mein aa aaghosh-e-tang mein aa,
Baatein hi rang ki hain rangat nahin hai mujh mein..
Apne mein hi kisi ki ho ru-ba-rui mujh ko,
Hun khud se ru-ba-ru hun himmat nahin hai mujh mein..
Ab to simat ke aa ja aur rooh mein sama ja,
Waise kisi ki pyare wus'at nahin hai mujh mein..
Shishe ke is taraf se main sab ko tak raha hun,
Marne ki bhi kisi ko fursat nahin hai mujh mein..
Tum mujh ko apne ram mein le jao saath apne,
Apne se ai ghazaalo wahshat nahin hai mujh mein.!!
"Jaun Eliya"
No comments:
Post a Comment