Toote hue khwabon ki chubhan kam nahin hoti,
Ab ro ke bhi aankhon ki jalan kam nahin hoti..
Jitne bhi ghanere hon teri zulf ke saaye,
Ek raat mein sadiyon ki thakan kam nahin hoti..
Honthon se piyen chaahe nigaahon se churayen,
Zaalim teri khushbu-e-badan kam nahin hoti..
Milna hai to mil jao yahin hashr mein kya hai,
Ek umr mere waada-shikan kam nahin hoti..
'Qaisar' ki ghazal se bhi na tooti ye riwayat,
Is shahar mein na-qadri-e-fan kam nahin hoti.!!
"Qaisar-ul-jafri"
No comments:
Post a Comment