Saza ka haal sunayen jaza ki baat karein,
Khuda mila ho jinhein wo khuda ki baat karein..
Unhein pata bhi chale aur wo khafa bhi na hon,
Is ahtiyaat se kya muddaa ki baat karein..
Humare ahd ki tahzeeb mein qaba hi nahin,
Agar qaba ho to band-e-qaba ki baat karein..
Har ek daur ka mazhab naya khuda laaya,
Karein to hum bhi magar kis jhuda ki baat karein..
Wafa-shiaar kayi hain koi haseen bhi to ho,
Chalo phir aaj usi bewafa ki baat karein.!!
"Sahir Ludhianwi"
No comments:
Post a Comment