Padi rahegi agar ghum ki dhool shaakhon par,
Udaas phool khilenge malool shaakhon par..
Abhi na gulshan-e-urdu ko be-charaagh kaho,
Khile hue hain abhi chand phool shaakhon par..
Nikal pade hain hifazat ko chand kaante bhi,
Hua hai jab bhi gulo'n ka nuzool shaakhon par..
Hawa ke saamne un ki bisaat hi kya thi,
Dikha rahe the bahaarein jo phool shaakhon par..
Nisaar-e-gul ho, mila hai ye izn bulbul ko,
Hua hai hukm gul-e-tar ko, jhool shaakhon par..
Wo phool pahunche na jaane kahaan kahaan 'Rahbar',
Nahin tha jin ko theharna qubool shaakhon par.!!
"Rajendra Nath Rahbar"
No comments:
Post a Comment