* Nazm *
___________
Sada aa rahi hai mare dil se paiham...
Ke hoga har ek dushman-e-jaan ka sar kham..
Nahin hai nizaam-e-halakat mein kuchh dam,
Zarurat hai insaan ki amn-e-aalam..
Fazaon mein lahrayega surkh parcham,
Sada aa rahi hai mere dil se paiham..
Na zillat ke saaye mein bachche palenge,
Na haath apne qismat ke haathon malenge..
Musawat ke deep ghar ghar jalenge,
Sab ahl-e-watan sar utha ke chalenge..
Na hogi kabhi zindagi waqf-e-maatam,
Fazaon mein lahrayega surkh parcham.!!
"Habeeb Jalib"
No comments:
Post a Comment