Mujh ko charaagh-e-shaam ki surat jala ke dekh,
Aaye andheri raat mujhe aazma ke dekh...
Maujein kabhi to haarengi tere yaqeen se,
Saahil pe roz ek gharaunda bana ke dekh...
Tooti hui munder pe chhota sa ek charaagh,
Mausam se kah raha hai ke aandhi chura ke dekh...
Maana ke main hazaar faseelon mein qaid hun,
Lekin kabhi khuloos se mujh ko bula ke dekh.!!
"Naseem Nikhat"
No comments:
Post a Comment