Koi Ghum Teri Mohabbat Mein Paraya Hi Nahi

Koi Ghum Teri Mohabbat Mein Paraya Hi Nahi,
Wo Bhi Aaye Hain Jinhen Maine Bulaya Hi Nahi..

Chaand Is Shahr Ki Jaanib Kabhi Aaya Hi Nahi,
Is Liye Maine Charaago'n Ko Bhujhaya Hi Nahi..

Main Bhi Padh Sakti Thi Chehre Ke Dukho'n Ko Lekin,
Aaina Ban Ke Koi Saamne Aaya Hi Nahi..

Jitni Tayyariyaan Kar Rakkhi Thi Bekaar Gayin,
Jisko Aana Tha Wo Mahfil Mein To Aaya Hi Nahi..

Main Bhi Us Ki Nayi Dulhan Ko Duaaen Deti,
Mujh Ko Kambakht Ne Shaadi Mein Bulaaya Hi Nahi..

Ai "Sana" Maine Ghazal Mai Ye Shararat Ki Hai,
Sheyr Jo Mujh Mo Sunana Tha Sunaya Hi Nahi.!!

"Shaista Sana"