Kaun bataye kaun sujhaye kaun se des sidhaar gaye,
Un ka rasta takte takte nain humare haar gaye..
Kaanton ke dukh sahne mein taskeen bhi thi aaram bhi tha,
Hansne waale bhole-bhaale phool chaman ke maar gaye..
Ek lagan ki baat hai jiwan ek lagan hi jiwan hai,
Poochh na kya khoya kya paaya kya jeete kya haar gaye..
Aane waali barkha dekhein kya dikhlaye aankhon ko,
Ye barkha barsaate din to bin piritam bekar gaye..
Jab bhi laute pyaar se laute phool na pa kar gulshan mein,
Bhanwre amrit ras ki dhun mein pal pal sau sau baar gaye..
Hum se poochho saahil waalo kya beeti dukhiyaron par,
Khewan haare beech bhanwar mein chhorh ke jab us paar gaye.!!
"Habeeb Jalib"
No comments:
Post a Comment