Jhoothi khabrein ghadne waale jhoote sheyr sunane waale,
Logo sabr ke apne kiye ki jald saza hain paane waale..
Dard aankhon se bahta hai aur chehra sab kuchh kahta hai,
Ye mat likkho wo mat likkho aaye bade samjhane waale..
Khud kaatenge apni mushkil khud payenge apni manzil,
Rahzanon se bhi bad-tar hain rah-numa kahlaane waale..
Un se pyaar kiya hai hum ne un ki raah mein hum baithe hain,
Na-mumkin hai jin ka milna aur nahin jo aane waale..
Un par bhi hansti thi duniya aawazein kasti thi duniya,
'Jalib' apni hi surat the ishq mein jaan se jaane waale.!!
"Habeeb Jalib"
No comments:
Post a Comment