Jalwa-e-husn Ko Mahroom-e-tamashaai Kar

Jalwa-e-husn ko mahroom-e-tamashaai kar,
Be-niyazi sifat-e-laala-e-sahraai kar,

Haan bade shauq se shamsheer ke aijaaz dikha,
Haan bade shauq se daawa-e-masihaai kar..

Main to majboor hun aadat se kahe jaaunga,
Tu koi baat na sun aur na paziraai kar..

Apne beemaar ki ye aakhiri ummid bhi dekh,
Malak-ul-maut se kahta hai masihaai kar..

Mujh ko le ja ke dar-e-yaar pe qaasid ne kaha,
Khaama-farsaai na kar naasiya-farsaai kar..

Hum teri surat-e-inkaar ko pahchaante hain,
Wo tabassum tu shareek-e-lab-e-goyaai kar.!!

"Hafeez Jalandhari"