Hujoom dekh ke rasta nahin badalte hum,
Kisi ke darr se taqaza nahin badalte hum..
Hazaar zer-e-qadam raasta ho khaaro'n ka,
Jo chal padein to irada nahin badalte hum..
Isi liye to nahin mo'atabar zamane mein,
Ke rang surat-e-duniya nahin badalte hum..
Hawa ko dekh ke 'Jalib' misaal-e-hum-asraa'n,
Baja ye zom humara nahin badalte hum.!!
"Habeeb Jalib"
__________
Taqaza = demand, pressing settlement, urgency,
Misaal-e-hum-asraa'n = like contemporaries,
Baja = just/ appropriate,
Zom = arrogance/ conceit,
No comments:
Post a Comment