Dil jo hai aag laga dun us ko,
Aur phir khud hi hawa dun us ko..
Jo bhi hai us ko ganwa baitha hai,
Main bhala kaise ganwa dun us ko..
Tujh gumaan par jo imarat ki thi,
Sochta hun ke main dhha dun us ko..
Jism mein aag laga dun us ke,
Aur phir khud hi bujha dun us ko..
Hijr ki nazr to deni hai use,
Sochta hun ki bhula dun us ko..
Jo nahin hai mere dil ki duniya,
Kyun na main 'Jaun' mita dun us ko.!!
"Jaun Eliya"
No comments:
Post a Comment