Daaman-e-sad-chaak ko ek baar si leta hun main,
Tum agar kahte ho to kuchh roz ji leta hun main..
Be-sabab peena meri aadat mein shaamil nahin,
Mast aankhon ka ishaara ho to pi leta hun main..
Gesuon ka ho ghana saaya ke shiddat dhoop ki,
Wo mujhe jis rang mein rakhta hai ji leta hun main..
Aate aate aa gaye andaaz jeene ke mujhe,
Ab to 'Rahbar' khoon ke aansu bhi pi leta hun main.!!
"Rajendra Nath Rahbar"
No comments:
Post a Comment