Bajte hue ghunghru the udti hui taanein thin,
Pahle inhi galiyon mein naghmon ki dukanein thin..
Yoon baith rahin dil mein shorida tamannayein,
Goya kisi jangal mein patton ki udaanein thin..
Ya rab mere haathon mein tesha bhi diya hota,
Har manzil-e-hasti mein jab itni chattanein thin..
Wo lamha-e-larzaa'n bhi dekha hai sar-e-mahfil,
Ek shoale ki mutthi mein parwanon ki jaanein thin..
Hum marhala-e-ghum mein tanha the kahaan yaaro,
Qaatil the saleebein thin teghein thi sinanein thin..
Ek harf-e-mohabbat yoon phaila ke gunah thehra,
Afsane humare the duniya ki zabanein thin.!!
"Qaisar-ul-jafri"
__________
Shoreeda = mad, desperate, disturbed, dejected, frenetic, frenzied,
Lamha-e-larzaa'n = shaking moment,
Saleebein = cross-plural,
Sinanein = spearheads, make listen,
No comments:
Post a Comment