Badan mein awwalin ahsaas hai takaano'n ka,
Rafeeq chhoot gaya hai kahin udaano'n ka..
Hisaar-e-khwab mein aanhkein panaah leti hui,
Ajab khumaar sa mahaul mein azaano'n ka..
Charagh-e-subah si bujhne lagin meri aanhkein,
Jab intishaar na dekha gaya gharaano'n ka..
Amaan kahte hain jis ko bas ek tasawwur hai,
Ke yoon thehar sa gaya waqt imtihano'n ka..
Jo us ke honthon ki jumbish mein qaid tha 'Ashhar',
Wo ek lafz bana bojh mere shaano'n ka.!!
"Iqbal Ashhar"
No comments:
Post a Comment