Baatein to kuch aisi hain ke khud se bhi na ki jaayen,
Socha hai khamoshi se har ek zahar ko pi jaayen..
Apna to nahin koi wahaan poochhne waala,
Us bazm mein jaana hai jinhein ab to wahi jaayen..
Ab tujh se humein koi ta'alluq nahin rakhna,
Achchha ho ke dil se teri yaadein bhi chali jaayen..
Ek umr uthaye hain sitam ghair ke hum ne,
Apnon ki to ek pal bhi jafaaen na sahi jaayen..
'Jalib' ghum-e-dauraa'n ho ke yaad-e-rukh-e-jaanaa,
Tanha mujhe rahne dein mere dil se sabhi jaayen.!!
"Habeeb Jalib"
No comments:
Post a Comment