Apne chehre se jo zaahir hai chhupayen kaise,
Teri marzi ke mutabiq nazar aayen kaise..
Ghar sajaane ka tasawwur to bahut baad ka hai,
Pahle ye tai ho ke is ghar ko bachayen kaise..
Laakh talwaaren badhi aati hon gardan ki taraf,
Sar jhukana nahin aata to jhukayen kaise..
Qahqaha aankh ka bartao badal deta hai,
Hansne waale tujhe aansu nazar aayen kaise..
Phool se rang juda hona koi khel nahin,
Apni mitti ko kahin chhorh ke jaaten kaise..
Joi apni hi nazar se to humein dekhega,
Ek qatre ko samandar nazar aayen kaise..
Jis ne daanista kiya ho nazar-andaaz 'Waseem',
Us ko kuchh yaad dilayen to dilayen kaise.!!
"Waseem Barelwi"
No comments:
Post a Comment