Zara si baat pe har rasm tod aaya tha,
Dil-e-tabah ne bhi kya mizaaj paaya tha,
Guzar gaya hai koi lamha-e-sharar ki tarah,
Abhi to main use pahchan bhi na paaya tha,
Muaaf kar na saki meri zindagi mujh ko,
Wo ek lamha ke main tujh se tang aaya tha,
Shagufta phool simat kar kali bane jaise,
Kuchh is kamaal se tu ne badan churaya tha,
Pata nahin ke mere baad un pe kya guzri,
Main chand khwaab zamane mein chhod aaya tha.!!
"Jaan Nisaar Akhtar"
__________
Lamha-e-sharar = moment of spark,
No comments:
Post a Comment