Ye Jo Lahore Se Mohabbat Hai

Ye jo lahore se mohabbat hai,
Ye kisi aur se mohabbat hai..

Aur wo aur tum nahin shayad,
Mujh ko jis aur se mohabbat hai..

Ye hun main aur ye meri tasveer,
Dekh le ghaur se mohabbat hai..

Bachpana kam-sini jawaani aaj,
Tere har daur se mohabbat hai..

Ek tahzeeb hai mujhe maqsood,
Mujh ko ek daur se mohabbat hai..

Us ki har tarz mujh ko bhaati hai,
Us ke har taur se mohabbat hai..!!

"Fakhr Abbas"