Tumhein paane ki haisiyyat nahin hai,
Magar khone ki bhi himmat nahin hai,
Bahut socha bahut socha hai main ne,
Judaai ke siwa surat nahin hai,
Tumhein roka to ja sakta hai lekin,
Mere a'asaab mein quwwat nahin hai,
Mere ashko mere be-kaar ashko!!
Tumhaari ab use haajat nahin hai,
Abhi tum ghar se baahar mat nikalna,
Tumhaari hosh ki haalat nahin hai,
Dua kya dun bhala jaate hue main,
Tumhein takne se hi fursat nahin hai,
Mohabbat kam na hogi yaad rakhna!!
Ye badhti hai, ke ye daulat nahin hai,
Zamane ab tere madd-e-muqaabil,
Koi kamzor si aurat nahin hai.!!
"Fariha Naqwi"
No comments:
Post a Comment