Sahal yun raah-e-zindagi ki hai,
Har qadam hum ne aashiqi ki hai,
Hum ne dil mein saja liye gulshan,
Jab bahaaron ne be-rukhi ki hai,
Zahar se dho liye hain honth apne,
Lutf-e-saaqi ne jab kami ki hai,
Tere kooche mein baadshahi ki,
Jab se nikle gadagari ki hai,
Bas wahi surkh-ru hua jis ne,
Bahr-e-khoon mein shanawari ki hai,
Jo guzarte the 'daagh' par sadme,
Ab wahi kaifiyat sabhi ki hai.!!
"Faiz Ahmad Faiz"
No comments:
Post a Comment