Qaza ka waqt rukhsat ki ghadi hai,
Zara thehro ki ye manzil kadi hai..
Jise tum chhorh kar rukhsat hue the,
Wo basti aaj tak sooni padi hai..
Abhi tak dil ke veerane mein jaise,
Tamanna haath phailaye khadi hai..
Mere dushman bhi ab to aa rahe hain,
Tumhein kis waqt jaane ki padi hai..
Tumhaare dard-mandon ki khabar le,
Ghum-e-dauraa'n ko aisi kya padi hai..
Kisi ki yaad 'Saif' aur dil ki haalat,
Ghana jangal akeli jhonpadi hai..!!
"Saifuddin Saif"
No comments:
Post a Comment