Meri dastaan-e-hasrat wo suna suna ke roye,
Mere aazmane waale mujhe aazma ke roye..
Koi aisa ahl-e-dil ho ke fasana-e-mohabbat,
Main use suna ke roun wo mujhe suna ke roye..
Meri aarzu ki duniya dil-e-na-tawaa'n ki hasrat,
Jise kho ke shadmaan the use aaj pa ke roye..
Teri bewafaiyon par teri kaj-adaaiyon par,
Kabhi sar jhuka ke roye kabhi munh chhupa ke roye..
Jo sunaai anjuman mein shab-e-ghum ki aap-beeti,
Kayi ro ke muskuraye kayi muskura ke roye..!!
"Saifuddin Saif"
No comments:
Post a Comment