Mujhe aisa lutf ata kiya ke jo hijr tha na wisaal tha,
Mere mausamon ke mizaaj-daa'n tujhe mera kitna khyaal tha..
Kisi aur chehre ko dekh kar teri shakl zehn mein aa gayi,
Tera naam le ke mila use mere haafize ka ye haal tha..
Kabhi mausamon ke saraab mein kabhi baam-o-dar ke azaab mein,
Wahaan umr hum ne guzaar di jahaan saans lena muhaal tha..
Kabhi tu ne ghaur nahin kiya ki ye log kaise ujad gaye,
Koi 'Meer' jaisa girafta-dil tere saamne ki misaal tha..
Tere baad koi nahin mila jo ye haal dekh ke poochhta,
Mujhe kis ki aag jala gayi mere dil ko kis ka malaal tha..
Kahin khoon-e-dil se likha to tha tere saal-e-hijr ka saaneha,
Wo adhoori diary kho gayi wo na-jaane kaun sa saal tha.!!
"Aitebaar Sajid"
No comments:
Post a Comment