Koi Jab Mil Ke Muskuraya Tha

Koi jab mil ke muskuraya tha,
Aks-e-gul ka jabeen pe saaya tha..

Zakhm-e-dil ki jalan bhi kam thi bahut,
Geet aisa saba ne gaaya tha..

Shab khuli thi bahaar ki surat,
Din sitaron sa jagmagaya tha..

Aise sargoshiyan thin kaano'n mein,
Koi amrit ka jaam laaya tha..

Khwab konpal bhi thi tar-o-taaza,
Aarzu ne bhi sar uthaya tha..

Jis ne Mas'hoor kar diya tha 'Farah',
Ek jaadu sa ek chhaya tha.!! 

"Farah Iqbal"
__________

Mas'hoor = enchanted/ fascinated,