Khwabon se na jao ke abhi raat bahut hai,
Pahlu mein tum aao ke abhi raat bahut hai..
Ji bhar ke tumhein dekh lun taskeen ho kuchh to,
Mat shama bujhao ke abhi raat bahut hai..
Kab pau phate kab raat kate kaun ye jaane,
Mat chhorh ke jao ke abhi raat bahut hai..
Rahne do abhi chaand sa chehra mere aage,
May aur pilao ke abhi raat bahut hai..
Kat jaaye yunhi pyaar ki baaton mein har ek pal,
Kuchh jaago, jagao ke abhi raat bahut hai..!!
"Sabir Dutt"
No comments:
Post a Comment