Kahin Karte Nahi izhaar, Chup Hain,
Humein To Hukm Hai Sarkaar, Chup Hain..
Kahani Kuch Batana Chahti Hai,
Magar Is Ke Sabhi Kirdaar Chup Hain..
Bahut Hai Barish-e-Sung-e-Malaamat,
Magar Hum Surat-e-Kohsaar, Chup Hain..
Abhi Tak Hai Bahut Mahfooz Qatil,
Ke maqtal Ke Dar-o-Deewar Chup Hain..
Pata Rahzan Ka Khalqat Poochhti Hai,
Magar Basti Ke Pahre'Daar Chup Hain..
Wahi Mausam, Wahi Zanjeer-e-Shab Hai,
Magar Ye Log Kyun Is Baar Chup Hain.?..
"Noshi Gilani"
No comments:
Post a Comment