Jab se aseer-e-zulf-e-girah-geer ho gaya,
Mein be-niyaz-e-halqa-e-zanjeer ho gaya,
Jaata kahaan bhala teri mahfil ko chhorh kar,
Main apne aap paanw ki zanjeer ho gaya,
Noor-e-jahaan koi na koi yun to sab ki thi,
Daulat se ek shakhs jahangeer ho gaya,
Mujh mein rachi hui teri khushbu thi is liye,
Badh kar adu bhi mujh se baghal-geer ho gaya,
Phir baandh li kisi se ummeed-e-wafa 'Qateel',
Phir ek mahal hawaon mein ta'ameer ho gaya.!!
"Qateel Shifai"
No comments:
Post a Comment