Ghar se nikle to ho socha bhi kidhar jaaoge,
Har taraf tez hawa'en hain bikhar jaaoge,
Itna aasan nahin lafzon pe bharosa karna,
Ghar ki dahleez pukaaregi jidhar jaaoge,
Shaam hote hi simat jayenge saare raste,
Bahte dariya se jahaan hoge thehar jaaoge,
Har naye shahar mein kuchh raatein kadi hoti hain,
Chhat se deewarein juda hongi to darr jaaoge,
Pahle har cheez nazar aayegi be-maani si,
Aur phir apni hi nazron se utar jaaoge.!!
"Nida Fazli"
No comments:
Post a Comment