Dua karo ke ye pauda sada hara hi lage,
Udaasiyon mein bhi chehra khila khila hi lage,
Wo saadgi na kare kuchh bhi to ada hi lage,
Wo bhol-pan hai ki bebaaki bhi haya hi lage,
Ye zafraani pullover usi ka hissa hai,
Koi jo doosra pahne to doosra hi lage,
Nahin hai mere muqaddar mein raushni na sahi,
Ye khidki kholo zara subah ki hawa hi lage,
Ajeeb shakhs hai naraaz ho ke hansta hai,
Main chaahta hun khafa ho to wo khafa hi lage,
Haseen to aur hain lekin koi kahaan tujh sa,
K
Jo dil jalaaye bahut phir bhi dilruba hi lage,
Hazaaron bhes mein phirte hain raam aur rahim,
Koi zaroori nahin hai bhala bhala hi lage.!!
"Basheer Badr"
No comments:
Post a Comment