Bichhadte Lamhon Mein

* Nazm *
__________

Bichhadte lamhon mein,
Us ne mujh se kaha tha dekho,

Humari raahein juda juda hain,

Magar humein ek dusre ka
Khyaal rakhna hai zindagi bhar,

Kisi bhi lamhe udaasiyon ki,
Faseel haail na hone dena,

Hawa ke haathon pe likhte rahna,
Judaaiyon ke tamaam qisse,

Qadam qadam par jo pesh aayen,
Wo saanehe bhi nazar mein rakhna,

Main jab bhi lauta
To apne honthon ki taazgi ko,

Tumhaari bujhti hui in aankhon mein la rakhunga,

Jo meri apni hain sirf meri, 

Bichhadte lamhon mein us ne mujh se
Na jaane kya kuchh kaha suna tha,

Aur ab

Use bhi yahi kahega,
Wo jis ke haathon mein hath daale,

Naye safar par nikal pada hai.!!

"Noshi Gilani"