Beemar-e-mohabbat ki dawa hai ke nahin hai,
Mere kisi pahlu mein qaza hai ke nahin hai,
Sunta hun ek aahat si barabar shab-e-waada,
Jaane tere qadmon ki sada hai ke nahin hai,
Sach hai ke mohabbat mein humein maut ne maara,
Kuchh is mein tumhaari bhi khata hai ke nahin hai,
Mat dekh ke phirta hun tere hijr mein zinda,
Ye poochh ke jeene mein maza hai ke nahin hai,
Yun dhundhte phirte hain mere baad mujhe wo,
Wo 'Kaif' kahin tera pata hai ke nahin hai.!!
"Kaif Bhopali"
No comments:
Post a Comment