Apni tanhaai mere naam pe
aabaad karey,
Kaun hoga jo mujhey uss ki tarah
yaad karey,
Dil ajab sheher ke jis pr bhi khula
dar us ka,
Woh musaafir isey har samt se
barbaad karey,
Apne qaatil ki zahaanat se pareshaan
hoon main
Roz ek maut naye tarzz ki
ijaad karey,
Itna hairaan ho meri be-talbi
ke aagey,
Wo qafas main dar khud mera
sayyaad karey
Salb-e-binaayi ke ehkaam mile hain
jo kabhi,
Roshni chhuune ki khwaahish koi
shab-zaad karey
Soch rakhnaa bhi jaraaim main
hai shaamil ab to,
Wohi maasoom hai har baat pe jo
saad karey
Jab lahuu bol padey us ke gawaaho'n
ke khilaaf,
Qaazi-e-sheher kuch is baab main
irshaad karey
Uss ki mutthi main bahut roz raha
mera wajood,
Mere saahir se kaho ab mujhe
aazaad karey..!!
- Parween Shakir
___
Be-talbi = without demand
Salb-e-binaayi = losing eyesight
Ehkaam = orders, commands, injunctions
Shab-zaad = insomniac, someone who keeps awake at night,
Jaraaim = crimes,
Qaazi-e-sheher = chief of city
No comments:
Post a Comment