Aisa bhi nahin us se mila de koi aa kar,
Kaisa hai wo itna to bata de koi aa kar,
Ye bhi to kisi maa ka dulaara koi hoga,
Is qabr pe bhi phool chadha de koi aa kar,
Sookhi hain badi der se palkon ki zabaanein,
Bas aaj to ji bhar ke rula de koi aa kar,
Barson ki dua phir na kahin khaak mein mil jaaye,
Ye abr bhi aandhi na uda de koi aa kar,
Ye koh ye sabza ye machalti hui nadiyaan,
Mar jaaun jo manzil ka pata de koi aa kar,
Har ghar pe hai aawaz har ek dar pe hai dastak,
Baitha hun ke mujh ko bhi sada de koi aa kar,
Is khwahish-e-nakaam ka khoon bhi mere sar hai,
Zinda hun ke is ki bhi saza de koi aa kar..!!
"Adeem Hashmi"
No comments:
Post a Comment