Aankh uthaai hi thi ke khaai chot,
Bach gayi aankh dil pe aai chot..
Dard-e-dil ki unhein khabar kya ho,
Jaanta kaun hai paraai chot..
Aai tanha na khana-e-dil mein,
Dard ko apne saath laai chot..
Tegh thi haath mein na khanjar tha,
Us ne kya jaane kya lagaai chot..
Yun na qaatil ko jab yaqeen aaya,
Hum ne dil khol kar dikhaai chot..
Aur kya karte hum bala-kash-e-ghum,
Jo padi dil pe wo uthaai chot..
Kahin chhupti bhi hai lagi dil ki,
Lakh 'Faani' ne go chhupaai chot.!!
"Faani Badayuni"
__________
Bala-kash-e-ghum = afflicted by sorrow,
No comments:
Post a Comment