Aahat pe kaan dar pe nazar is tarah na thi,
Ek ek pal ki hum ko khabar is tarah na thi,
Tha dil mein dard pahle bhi lekin na is qadar,
Veeran to thi hayat magar is tarah na thi,
Har ek mod maqtal-e-armaan-o-aarzu,
Pahle to teri rahguzar is tarah na thi,
Jab tak saba ne chheda na tha nik'hat-e-gulaab,
Koocha-ba-koocha mahw-e-safar is tarah na thi,
Barso'n mein pahle hoti thi nam aasteen kabhi,
Arzaa'n mata-e-deeda-e-tar is tarah na thi.!!
"Bashar Nawaz"
___
Arzaa'n = of lesser value, cheap,
No comments:
Post a Comment