Roz-o-shab Yoon Na Aziyat Mein Guzaare Hote

Roz-o-shab Yoon Na Aziyat Mein Guzaare Hote...
Chain Aa Jaata, Agar Khel Ke Haare Hote.!

Khud Se Fursat Hi Mayassar Nahi Aayi Warna...
Hum Kisi Aur Ke Hote To Tumhaare Hote.!

Tujh Ko Bhi Ghum Ne Agar Theek Se Barta Hota...
Tere Chehre Pe Khadd-o-khaal Humaare Hote.!

Khul Gayi Hum Pe Mohabbat Ki Haqeeqat Warna...
Ye Jo Ab Faayde Lagte Hain, Khasaare Hote.! 

Ek Bhi Mauj Agar Meri Himaayat Karti...
Maine Us Paar Kayi Log Utaare Hote.!

Lag Gayi Aur Kahin Umr Ki Punji Warna...
Zindagi Hum Teri Dehleez Pe Haare Hote.! 

Kharch Ho Jaate Isi Ek Mohabbat Mein "Kabeer"...
Dil Agar Aur Bhi Seene Mein Humaare Hote.!!

"Kabeer Athar"

روز و شب یوں نہ اذیت میں گزارے ہوتے
چین آ جاتا، اگر کھیل کے ہارے ہوتے

خود سے فرصت ہی میسر نہیں آئی ورنہ
ہم کسی اور کے ہوتے، تو تمہارے ہوتے

تجھ کو بھی غم نے اگر ٹھیک سے برتا ہوتا
تیرے چہرے پہ خد و خال ہمارے ہوتے

کھل گئی ہم پہ محبت کی حقیقت، ورنہ
یہ جو اب فائدے لگتے ہیں خسارے ہوتے

ایک بھی موج اگر میری حمایت کرتی
میں نے اس پار کئی لوگ اتارے ہوتے

لگ گئی اور کہیں عمر کی پونجی ورنہ
زندگی ہم تِری دہلیز پہ ہارے ہوتے

خرچ ہو جاتے اسی ایک محبت میں کبیرؔ
دل اگر اور بھی سینے میں ہمارے ہوتے..

"کبیر اطہر"