Shaano'n Pe Kis Ke Ashk Bahaya Karein Gi Aap

Shaano'n pe kis ke ashk bahaya karein gi aap,
Roothega kaun kis ko manaya karein gi aap...

Wo ja raha hai subah-e-mahabbat ka karwaa'n,
Ab shaam ko kahin bhi na jaaya karein gi aap...

Ab kaun khud parast satayega aap ko,
Kis bewafa ke naaz uthaya karein gi aap...

Pahro'n shab-e-firaaq mein taaro'n ko dekh kar,
Shaklein mita mita ke banaya Karein gi aap...

Gumnaam ujaalon mein guzaarengi raat din,
Bekaar apne ji ko jalaya karein gi aap...

Ab lazzat-e-sama'at-e-rahru ke waaste,
Oonche suro'n mein geet na gaaya karein gi aap...

Hum-joliyon ko apni ba-soz-e-tasawwuraat,
Maazi k waaqiyaat sunaya karein gi aap... 

Ab wo shararaton ke zamane guzar gaye,
Chonkega kaun kis ko daraya karein gi aap...

Furqat main daur-e-gosha-nasheeni bhi aayega,
Milne saheliyon se na jaaya karein gi aap...

Ghusse mein naukaro'n se bhi uljhengi baar baar,
Ma'amooli baat ko bhi badhaya karein gi aap...

Phir is ke baad ek wo manzil bhi aayegi,
Dil se mera khyaal mitaya karein gi aap...

Halaat-e-nau-ba-nau ke musalsal hujoom mein,
Koshish se apnay ji ko lagaya karein gi aap...

Aayega phir wo daur bhi tagayyur k daur mein,
Dil mein koi khalish hi na paaya karein gi aap...

Naqsh-e-kuhan ko dil se mitana hi chahiye..
Guzre hue dinon ko bhulana hi chahiye.!!

شانوں پہ کس کے اشک بہایا کریں گی آپ ؟
رُوٹھے گا کون ، ، کس کو منایا کریں گی آپ ؟

وہ جا رھا ھے صُبحِ مُحبت کا کارواں
اب شام کو کہیں بھی نہ جایا کریں گی آپ

اب کون " خود پرست " ستائے گا آپکو ؟
کِس بے وفا کے ناز اُٹھایا کریں گی آپ ؟

پہروں شبِ فراق میں تاروں کو دیکھ کر
شکلیں مِٹا مِٹا کے بنایا کریں گی آپ

گمنام الجھنوں میں گُزاریں گی رات دن
بیکار اپنے جی کو جلایا کریں گی آپ

اب لذتِ سماعتِ رھرو کے واسطے
اُونچے سُروں میں گیت نہ گایا کریں گی آپ

ھمجولیوں کو اپنی بسوزِ تصورات
ماضی کے واقعات سُنایا کریں گی آپ

اب وہ شرارتوں کے زمانے گزر گئے
چونکے گا کون ، ، کِس کو ڈرایا کریں گی آپ ؟

فرقت میں دورِ گوشہ نشینی بھی آئیگا
مِلنے سہیلیوں سے نہ جایا کریں گی آپ

غصے میں نوکروں سے بھی الجھیں گی بار بار
معمولی بات کو بھی بڑھایا کریں گی آپ

پھر اسکے بعد ایک وہ منزل بھی آئیگی
دِل سے مرا خیال ہٹایا کریں گی آپ

حالاتِ نو بہ نو کے مسلسل ھجوم میں
کوشش سے اپنے جی کو لگایا کریں گی آپ

آئے گا پھر وہ دِن بھی تغیر کے دور میں
دل میں کوئی خلش ھی نہ پایا کریں گی آپ

" نقشِ کُہن " کو دل سے مِٹانا ھی چاھئیے
گزرے ھُوئے دِنوں کو بھُلانا ھی چاھئیے..