Mera Sukoon Mera Aitibaar Waapas Kar

Mera Sukoon Mera Aitibaar Waapas Kar,
Mujhe Tu Mera Wo Khoya Qaraar Waapas Kar..

Tere Sulook Ne Dil Kar Diya Supurd-e-khizaa'n,
Na Chheen Mujh Se Tu Meri Bahaar Waapas Kar..

Milega Kya Tujhe Le Kar Mere Shafaq Rukhsaar,
Ai Umr-e-rafta Tu Mera Nikhaar Waapas Kar..

Mera Khuloos Tha Meri Ibaadaton Jaisa,
Hai Qarz Tujh Pe Tu Mera Udhaar Waapas Kar..

Tujhi Ko Tera Ye Patthar Ka Dil Mubarak Ho,
Mujhe Tu Mera Dil-e-laala-zaar Waapas Kar.!

میرا سکون میرا اعتبار واپس کر
مجھے تُو میرا وہ کھویا قرار واپس کر

ترے سلوک نے دل کر دیا سپردِ خزاں
نہ چھین مجھ سے تو میری بہار واپس کر

ملےگا کیا تجھے لے کر میرے شفق رخسار؟
اے عمرِ رفتہ تو میرا نکھار واپس کر

میرا خلوص تھا میری عبادتوں جیسا
ہے قرض تجھ پہ تو میرا اُدھار واپس کر

تجھی کو یہ تیرا پتھر کا دل مبارک ہو
مجھے تُو میرا دلِ لالہ زار واپس کر __ !!